[426] เหตุยา ตีณิ, อารมฺมเณ ตีณิ, อธิปติยา ฉ, อนนฺตเร นว, สมนนฺตเร นว, สหชาเต นว, อญฺญมญฺเญ นว , นิสฺสเย นว, อุปนิสฺสเย นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค นว, สมฺปยุตฺเต นว, อตฺถิยา นว…เป.… อวิคเต นว (สํขิตฺตํ)ฯ

ปจฺจนียุทฺธาโร

[427] เหตุ ปณีโต ธมฺโม เหตุสฺส ปณีตสฺส ธมฺมสฺส สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ)ฯ

[428] นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ ตีณิ (สํขิตฺตํ)ฯ

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํฯ)

เหตุทุกหีนตฺติกํ นิฏฺฐิตํฯ

1-15. เหตุทุก-มิจฺฉตฺตนิยตตฺติกํ

1. มิจฺฉตฺตนิยตปทํ

1-6. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

[429] เหตุํ มิจฺฉตฺตนิยตํ ธมฺมํ ปฏิจฺจ เหตุ มิจฺฉตฺตนิยโต ธมฺโม อุปฺปชฺชติ เหตุปจฺจยา… ตีณิฯ

นเหตุํ มิจฺฉตฺตนิยตํ ธมฺมํ ปฏิจฺจ นเหตุ มิจฺฉตฺตนิยโต ธมฺโม อุปฺปชฺชติ เหตุปจฺจยา… ตีณิฯ

เหตุํ มิจฺฉตฺตนิยตญฺจ นเหตุํ มิจฺฉตฺตนิยตญฺจ ธมฺมํ ปฏิจฺจ เหตุ มิจฺฉตฺตนิยโต ธมฺโม อุปฺปชฺชติ เหตุปจฺจยา… ตีณิฯ

เหตุํ มิจฺฉตฺตนิยตํ ธมฺมํ ปฏิจฺจ เหตุ มิจฺฉตฺตนิยโต ธมฺโม อุปฺปชฺชติ อารมฺมณปจฺจยา (สํขิตฺตํ)ฯ

[430] เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, ปุเรชาเต นว, อาเสวเน นว, กมฺเม นว, อาหาเร นว…เป.… อวิคเต นว (สํขิตฺตํ)ฯ

นอธิปติปจฺจโย

[431] เหตุํ มิจฺฉตฺตนิยตํ ธมฺมํ ปฏิจฺจ นเหตุ มิจฺฉตฺตนิยโต ธมฺโม อุปฺปชฺชติ นอธิปติปจฺจยา (สํขิตฺตํ)ฯ

[432] นอธิปติยา ตีณิ, นปจฺฉาชาเต นว, นกมฺเม ตีณิ, นวิปาเก นว (สํขิตฺตํ)ฯ

เหตุปจฺจยา นอธิปติยา ตีณิ (สํขิตฺตํ)ฯ

นอธิปติปจฺจยา เหตุยา ตีณิ (สํขิตฺตํ)ฯ

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพาฯ)

7. ปญฺหาวาโร

ปจฺจยจตุกฺกํ

เหตุ-อธิปติปจฺจยา

[433] เหตุ มิจฺฉตฺตนิยโต ธมฺโม เหตุสฺส มิจฺฉตฺตนิยตสฺส ธมฺมสฺส เหตุปจฺจเยน ปจฺจโย… ตีณิฯ

นเหตุ มิจฺฉตฺตนิยโต ธมฺโม นเหตุสฺส มิจฺฉตฺตนิยตสฺส ธมฺมสฺส อธิปติปจฺจเยน ปจฺจโย – สหชาตาธิปติ… ตีณิ (สํขิตฺตํ)ฯ

[434] เหตุยา ตีณิ, อธิปติยา ตีณิ, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, กมฺเม ตีณิ, อาหาเร ตีณิ, อินฺทฺริเย ตีณิ, ฌาเน ตีณิ, มคฺเค ตีณิ, สมฺปยุตฺเต นว, อตฺถิยา นว, อวิคเต นว (สํขิตฺตํ)ฯ